首頁 查經資源 主日信息 最新第I部崇拜信息
2014-08-17 下載 信息 (doc 格式) 列印文章

2014年 羅馬書 第12課 8月17日(第I部信息) 金佑鎮宣教士

經文 / 羅馬書 9:1-33
金句 / 羅馬書 9:16

神的主權和憐憫

「據此看來、這不在乎那定意的、也不在乎那奔跑的、只在乎發憐憫的 神。」

 

保羅滿有感謝和頌讚來結束羅馬書第8章,但係滿心讚美的保羅在9章忽然陷入大憂愁裏面,為何會這樣呢?是不是保羅患了躁狂症,時大怒時大喜呢?保羅陷入大有憂慮是因為他的弟兄、家人、以色列百姓不信耶穌,猶太人不信耶穌是因為他們對神的主權和憐恤無知,猶太人的信仰問題如同今日返教會好耐卻對神的愛憐恤無知 ,更加對神不滿,是舊有信徒的問題,咁樣的人如何得救呢?祈求主通過今日的經文深深學習到主權信仰。

 

I. 乃在乎召人的主 (1-13)

首先在4,5節裡面看見猶太人有很多特權。世上有好多民族,猶太人被 神揀選、領養,得著兒子的名分。 神向他們多次顯現,向佢地彰顯神的榮耀。神亦都同佢地立約,使佢地成為萬民祝福既源頭、祭司既國度、聖潔的國民。佢地亦都領受律法,可以曉得 神既意思,亦都可以向神崇拜。佢地領受好多應許,亦都見到所有應許成就。亞伯拉罕、以撒、雅各、摩西、大衛等等偉大既信心列祖都係佢地既祖宗。人類既救恩者耶穌基督都係擁有猶太人既血統。係呢八種既特權裡面,只係擁有一種已經係好大既特權。例如我地有偉大既祖宗係幾咁大既特權呢!我地生活裡面有偉大既榜樣,只要跟佢過生活,我地人生都變為偉大。係教會裡面有好多有信心既人,受佢地既影響,自己都可以得著信心,比起自己個人,我地以咩祖宗為榜樣,能夠更大既影響力帶俾我地既人生。猶太人擁有好多偉大信心祖宗,佢地實在喺世上比任何民族蒙更大既祝福。咁樣既猶太人似乎可以比其他民族更好好地相信神既兒子耶穌。可惜既係,佢地唔信耶穌。保羅難以接受佢既弟兄唔信耶穌既現實。保羅懇切渴求佢既同胞以色列得救,甚至佢自己被咒詛、與基督分離佢也願意。人好想得著某啲野、卻得唔著既時候,大有憂愁、心裡時常痛苦。保羅因佢既弟兄骨肉之親以色列唔信耶穌而大有憂愁、心裡時常痛苦。

 

另一方面,猶太人因為唔信耶穌,似乎 神既說話落了空。咁樣睇,按著人既樣,神既說話有機會成就、亦有機會唔能夠成就。因為人唔信實,神既說話因此變得唔信實。保羅帶住呢個問題、深深研究聖經。嗰陣時保羅曉得一件叫人驚訝既事實,嗰個就係血統上既以色列百姓唔係個個都係以色列民。亞伯拉罕所生既兒女唔係個個都係亞伯拉罕既子孫,亞伯拉罕所生既兒女之中,惟有被神揀選既人先至成為亞伯拉罕既子孫。而且神既說話通過呢班被神揀選既亞伯拉罕兒女,信實咁成就落去。亞伯拉罕生以實瑪利同以撒,但係第一個兒子以實瑪利無被神揀選,以撒卻被神揀選。雖然以實瑪利係長子,但係佢係通過女僕夏甲所生既,係肉身既兒子。惟有按著神應許出世既以撒先被神揀選,通過他成就神的說話。而且以撒有兩個兒子,但係長子以掃無被神揀選。第二個仔雅各先被神揀選,通過他成就神的說話。呢個揀選係喺兩個仔出世之前已經決定左,大既服侍小既。有啲人以為因為以掃將長子既名分賣俾雅各,換黎一碗紅豆湯,所以佢唔能夠被神揀選。但事實上,發生紅豆湯事件好一耐之前,兩個人係母腹裡面,神已經揀定左。被揀選既意思,簡單咁講,就係信耶穌,成為神既兒女、亞伯拉罕信心既兒女、屬靈既以色列百姓。神既說話通過屬靈既亞伯拉罕兒女信實咁成就緊。保羅時代都係咁,今日既時代裡,都係通過亞伯拉罕既兒女,即係基督徒,使神既說話信實咁成就緊係普世中,神的說話並沒有落過空。不過我地讀到呢度既時候,心裡有啲疑惑。咁一個人信耶穌得救、成為神兒女係在乎神既揀選,係喺未出世之前已經決定左,咁無被神揀選既以實瑪利同以掃實在太可憐。神既揀選好唔公平,咁神點解咁樣做呢?係呢度有咩 神既旨意呢?請一齊讀第11節:「雙子還沒有生下來、善惡還沒有作出來、只因要顯明 神揀選人的旨意、不在乎人的行為、乃在乎召人的主。」神既揀選唔在乎人既行為,乃在乎召人既主。我地被神揀選得救,全靠神既主權。係呢度我地唔可以反問神點解揀某啲人、卻唔揀某啲人。呢個係因為個個人都犯左罪、墮落左,根本上無一個人有資格被神揀選。我地心裡對神既揀選有不滿既思想,係因為呢個思想既開始已經錯左。假如個個人都有資格被神揀選,咁神只係揀某啲人,但唔揀某啲人,就可以話神既揀選有問題。但係個個都無資格,神卻揀選某啲人,拯救佢地,咁呢個唔係神既錯誤。嗰個小數得救既人只能感謝。有一個建築物裡面,有大火警,如果唔理佢地,個個都要死,但係一個消防員唔顧自己既生命入去、拯救一個人出黎,咁我地唔可以話嗰個消防員好唔公平、埋怨佢,只不過係嗰個得救既人蒙恩。即使嗰個人唔能夠得救、佢都無話可說。我地好似嗰個困係火警既大廈裡面、死梗既人,即使自己幾咁努力、心裡願意,靠自己唔能夠從審判既火裡面脫離既罪人。羅馬書3章清楚咁劃清界線:無有義人、連一個也沒有。所有人都係100%既罪人,人完全腐敗、完全墮落左。咁樣,我地點能夠被揀選得救呢?呢個完全在乎召人既主。全靠神單方面恩典、100%神既主權、100%神既恩典而得救。我地裡頭沒有一個尋找神、找牧者一對一查經。即使有啲屬靈既渴望,但係無一個人自願寫所感悔改、決志作出屬靈既掙扎而成為牧者。我地無諗過要為到自己既罪掙扎悔改、亦都無諗過要作出決志作牧者。有啲人見到CENTER有好多美麗既姊妹而開始查經、有啲人因為可以免費食到好味既食物而參加小組研經。有啲人講明自己絕對唔會做牧者,有左呢個先決條件先開始查經。但係咁樣既我地都改變、迎接耶穌,成為牧者,甚至建立信心家庭、被興起作信息僕人。呢一切係在乎邊個呢?請再睇第11節,神既旨意唔係因為我既行為而成就,乃係在乎召我既主而成就,是靠神不可抗拒既恩典而成就。絕對唔係因我地既行為而成就,所以我地無一個自誇既地方。我地只能夠因為我地被神揀選得救而感謝。猶太人唔係因為身為猶太人而被神揀選,亦都外邦人不是因為他們是良善而被神揀選,乃是因神單方面既恩典同埋主權而被神揀選。

 

我都間中諗我點能夠被神揀選、成為神既僕人呢?世上真係有好多人比我良善、虔誠。佢地唔信耶穌、我卻信耶穌而得救,實在好奇妙。我既母親多次同我講,我既心臟好冰冷、實在係冷血動物、好適合當外科醫生、用刀幫人做手術。咁樣既我現在成為牧者,係一件好神奇既事。我大學畢業既時候,有一個香港的宣教士黎到韓國,係一個暑假裡面,教我同另一個弟兄牧者學廣東話一個月。一個月之後考試,嗰個牧者攞到90分,我只係得20分。嗰陣時我以為香港好唔適合做我既宣教之地。但係後來神唔揀選嗰個好有語言恩賜既牧者,竟然揀選我作香港宣教士。我成為牧者、做香港既宣教士,唔在乎我既行為,乃在乎召我既主。

II. 只在乎發憐憫的神 (14-23)

請一齊讀14,15節:「這樣、我們可說甚麼呢.難道 神有甚麼不公平麼.斷乎沒有。因他對摩西說、『我要憐憫誰、就憐憫誰、要恩待誰、就恩待誰。』」我地唔可以話神既作為好唔公平。神審判所有人,我地都無話可說。神卻憐恤我地當中幾個人、拯救我地。神既主權唔似希特拉同金正恩咁樣獨裁式或建基於個人情感,神既主權係建基於佢既憐憫,因神憐憫人而拯救。因為神既主權建基於憐憫人既,所以我地要感謝、唔可以話唔公平。路加福音15章裡面,小兒子變左乞丐、浪費父親既財產,佢返番黎父家既時候,父親點樣對待佢呢?按著公義,父親應該唔悅納小兒子,大兒子話小兒子同妓女吞盡左父親既產業、卻為佢擺設筵席好唔啱,小兒子自己都話自己父家裡成世做雇工已經好感謝。但係父親睇見兒子返黎,就跑去抱著佢既頸項、連連與他親嘴。然後宰肥牛、將最好既衫俾佢著、將戒指戴係佢手指上、將鞋穿係佢既腳上。父親點解咁做呢?因為動了慈心(路15:20)。因為憐憫佢而咁做既。神既揀選同主權裡面有憐憫。如果按照原則做的話,就好像大兒子對小兒子的話,不能悅納小兒子,但是神違背原則向罪人伸出雙手跑過來,神的主權超越原則和通識,因為神憐憫我們和好愛我們而超越原則施救恩給我們,祈求主幫助我們,內心可以因為神向我們發憐憫而感謝,我們的內心滿有對神的主權感謝, 祈求主幫助我們唔好忘記我們本身好似小兒子咁樣無資格領受主的憐憫和恩典,對神的主權常常有着謙卑的態度,

 

但是我們有陣時忘記了我們以往是點樣,內心變得驕傲,變成大兒子咁樣,我忠誠和殷勤服侍神,點解神唔將好的羔羊比我,唔讓我快快考試合格,又唔比我人工高的工作,物質上唔祝福我,我的兒女咁唔出色,常常都向神點解啊, 點解啊, 點解啊,亦都對人不滿,這是因為我們唔思想神的主權,只是與別人比較,心裏難過,失去感謝,於是保羅講咩說話呢?請一齊讀16節:據此看來、這不在乎那定意的、也不在乎那奔跑的、只在乎發憐憫的 神。我們的救恩和祝福,唔係我們心裏定意或者奔跑來得着,只是在乎發憐憫的神,神憐憫我,我先至能夠蒙福,呢句說話不是意味着我們的努力和誠實無義意,而是一個人得救和蒙福的關鍵是在乎發憐憫的神。

 

我係牧者的生活裏面多次經歷呢個事實,我從出生就係一個癱子,遇見耶穌之後得着力量,竭力奔跑服侍神的工作和羔羊,每日清早在弟兄帳棚和姊妹帳棚中間奔跑,擔任男女風紀,探羔羊的時候,如果搭巴士3個站以下的話唔搭巴士而跑步,有陣時花盡數百蚊去到距離首爾好遠的南區探羔羊,但是無論幾咁努力跑來跑去服侍羔羊,所有羔羊都離開,後來得着結論我唔係一個做牧者的材料,係center裏帶着雇工的內心服侍人,有一次係深山舉行夏令營,果度的濕度極之高,所帶來的A4紙都濕哂,打印唔到出來於是用傳統的爐火,逐張逐張烘乾先至印到出來,過程中成身都出汗,甚至可以用汗沖涼,所有生命見證、宣教報告、信息都係咁樣逐張烘乾先至印到出來,係5日4夜的夏令營裏面,聚會參加唔到,連一篇信息都聽唔到,果度仲涼的設施唔好,因出汗而成身臭,甚至唔能夠同弟兄一齊訓係宿舍,每晚都係營地裏面的寫字數瞓sofa,夏令營最後果日印到主日信息先至去到hall果度第一次聽信息,果陣時團契的同工同我講,你的羔羊領受你名叫甚麼重生左,昨晚立刻寫生命見證分享,我係果個靈修營裏面為到羔羊無做到任何野,但是神憐憫佢亦都憐憫我,呼召佢拯救佢,佢而家開拓一間大學,每星期都講主日信息,據此看來,這不在乎那定意的,也不在乎那奔跑的,只在乎發憐憫的神。我地幾咁 努力服侍羔羊,跑黎跑去都屢次既失敗。但係只在乎發憐憫既神成就拯救一個靈魂既工作。我係服侍羔羊當中,深深經歷呢句說話既真實。

 

我地竭力傳福音、竭力禱告,但係所服侍既羔羊都離開。反而有啲牧者唔傳福音、無清早禱告,有好多羔羊,好似痴住佢咁樣。於是容易感到神對我唔公平。但係我地係神主權面前要謙卑,亦都要識得睇在神主權裡面既憐恤。我地謙卑跪低,求神將主既慈悲降臨係我同埋別人身上,以致在我地裏面滿有神既憐恤。

 

仲有當我地思想神主權既時候,另外一個難以瞭解既地方,嗰個就係神對惡人工作既主權。請一齊讀17節:因為經上有話向法老說、『我將你興起來、特要在你身上彰顯我的權能、並要使我的名傳遍天下。』係出埃及記出現既法老,內心好剛硬,雖然佢通過屢次既災禍被神擊打,卻唔屈服於神。佢有陣時因災禍再次臨到而扮回轉,但係災禍一停止,透到氣,內心就即刻變番剛硬、敵擋神、重覆咁樣做。但係出埃及記9:16話,神設立左法老。出埃及記4:21裡面話神叫法老既內心剛硬,因為神叫法老既心剛硬,所以佢要受10次災難。如果一般人只係因神一次大既懲罰都願意降服於神,法老卻到到第10回答仍維持內心既剛硬。聖經卻話呢一切都係喺神主權裡成就既。神為左向普天下彰顯佢既權能同名聲叫法老內心剛硬。

 

呢個時候,我地心裡唔能夠唔再產生疑惑。明白神既意圖,但係叫法老既內心剛硬、使佢遭受災禍十次咁多,咁樣神對佢唔公平,再次心裡浮起不公平論。咁點解神叫法老既內心剛硬呢?係唔係法老本來既內心唔剛硬,欲為做成有一個戲劇性既出埃及而叫法老既內心剛硬呢?神藉著摩西向法老講,以色列係我既仔、俾返我呀(出4:22),但係法老回應話:「耶和華係邊個?我要聽佢既話﹗」(出5:2)呢個就係法老本來既內心。當佢遭遇各樣災禍既時候,為左避免再次遇到災禍而內心回轉、釋放以色列。但係後來發覺佢既內心唔能夠按照佢既意思控制,唔知點解內心愈來愈剛硬,呢個係因為神叫佢既內心剛硬。神知道法老既內心無悔改、唔愛神,只係為左避免再次遇到災禍而扮內心回轉、釋放以色列。神唔准佢咁樣,繼續叫佢既內心剛硬到底,以致佢受盡10個災禍。係呢度我地要受警告,神可以叫我地內心剛硬。好多人聽過福音,然後心裏說耶穌係邊個,我要聽佢既話?過住順從佢既生活呢?不過萬一死後有審判,不如暫時照我的意思過生活、臨死五分鐘之前先信耶穌吧!呢個就係法老式既悔改。我地要記得神可以叫我地內心剛硬,呢個意味住到左一個時候,即使我地想相信耶穌,亦唔能夠相信。我地內心變得越來越剛硬,靠自己唔能夠控制自己的內心回轉歸向神。但係當我地內心剛硬,唔能夠相信耶穌既時候,因我地人生裡所遭遇各樣既災禍,使我地剛硬的內心破碎回轉歸向神的話,呢個係神向我地發既大憐憫。

請睇18節:如此看來、 神要憐憫誰、就憐憫誰、要叫誰剛硬、就叫誰剛硬。即使保羅舉例子解釋有關神既主權同憐恤,必定會有人向保羅反問。請睇第19節:「這樣、你必對我說、他為甚麼還指責人呢.有誰抗拒他的旨意呢。」神點解話我地呢?諗黎諗去,都覺得神叫我地既內心剛硬,然後審判我地,神既做法實在好唔公平。保羅點樣回答呢?請一齊讀第20-23節:「你這個人哪、你是誰、竟敢向 神強嘴呢.受造之物豈能對造他的說、你為甚麼這樣造我呢。窰匠難道沒有權柄、從一團泥裡拿一塊作成貴重的器皿、又拿一塊作成卑賤的器皿麼。倘若 神要顯明他的忿怒、彰顯他的權能、就多多忍耐寬容那可怒預備遭毀滅的器皿.又要將他豐盛的榮耀、彰顯在那蒙憐憫早預備得榮耀的器皿上.」神係我地既創造主,神係窰匠,我地只不過係泥土,窰匠從一團泥土可以作成王既飯碗,亦都可以用一團泥土黎作尿壺,作成咩器皿係屬於窰匠既主權。人點樣被使用係屬於神主權。話劇裡導演有權叫人演咩角色,足球裡教練有權邊個做進攻、邊個做防守。管樂團裡指揮有權邊個做首席小提琴手、邊個做第二小提琴手。神使用某啲人為教授牧者、使用某啲人為非洲原居民既牧者。司提反執事宣傳福音無幾耐殉道,使徒約翰活得長久、受好多既苦,佢地都係貴重既器皿。我地按著自己既標準定咩係貴重既器皿、卑賤既器皿。但其實係神面前,每一個都係貴重既器皿,所以我地唔好與別人比較,只要迎接神既主權、係神面前謙卑。神將我作成點樣既器皿,我地都要感謝。無論我地被用黎做乜野既器皿,亦都要喺嗰個位置,顯出神豐盛既榮耀。

 

我通過兩年半既軍隊生活,深深曉得我係邊一個。係軍隊裡面,叫我受苦既唔單止肉體上既勞動同訓練,更加叫我受苦係我既直屬上司。佢臨放工之前,將佢應該做既工作交俾我做。我要係佢第二日返工之前完成佢交託俾我既工作,因此我好多日子無得瞓超過四個鐘,這樣的生活維持了一年。我半夜三間偷偷食天糧、作出屬靈掙扎、寬恕嗰個上司。天糧有咩經文,我所感都係寫嗰個上司,我既禱告題目都係得一個,就係咁樣作出屬靈掙扎一年,我後來得著結論,就係我裡頭無寬恕佢既能力。我放棄為到懷抱佢、寬恕佢掙扎,改禱告既方向,要佢係我面前消失,如果唔係我會逃兵。禱告唔夠一個星期,佢被調離去第二個軍隊。我盼望成為懷抱好多靈魂既多國之父。但係唔洗講作多國的父,我既內心超狹窄,連一個人都懷抱唔到既小器皿。服兵役之後,我返番去CENTER既時候,我握住一句金句:「把我當作一個雇工吧!」嗰陣時,我內心滿有感謝,即使神要使用我作卑賤既器皿,我內心都滿有感謝。嗰陣時,我又曉得神既主權裡,滿有憐恤同恩典。

 

我地為要深深了解神既主權,首先需要深深發現自己係邊個。嗰啲唔知道自己係邊個既人,變得驕傲,唔能夠明白神既主權。惟有知道自己係邊個,佢先至擁有主權信仰。

 

III.惟有因信(24-33)

係24-29節裡,保羅見證係以色列既歷史裡,以色列百姓係點樣蒙神既憐恤。係呢度,「我的子民」、「蒙愛的」、「永生神的兒子」、「剩下的餘數」、「存留餘種」都指住同一既人,亦都係前面部分所講述「真正既以色列人」、「亞伯拉罕既兒女」、「從以撒生的」、「亞伯拉罕的後裔」、「神既兒女」、「應許既兒女」、「神所揀選既人」、「被神召的人」。當我地相信耶穌得救既時候,一次得著呢13個稱呼。WOW!以色列有無資格被神揀選呢?神為要叫以色列知道佢地個樣係點樣,呼召何西亞先知。何西亞既妻子歌蔑係個淫亂既婦人,佢撇棄丈夫何西亞、離開屋企兩次,有一次佢懷孕期間都離開屋企,與其他男人行姦淫。但神叫何西亞付出昂貴既代價帶妻子返黎,神將驚人既愛澆灌係何西亞心裡,何西亞愛妻子歌蔑,再次將佢帶返黎。因何西亞既愛,淫亂既歌蔑能夠返黎屋企,成為剩下既人。惟有愛先至叫本來唔係神既子民、都成為神既子民。應該離開既人都成為剩下既人。在29節裡面以賽亞先知話以色列既樣同所多瑪、蛾摩拉既樣一樣,我地既樣子同歌蔑、所多瑪、蛾摩拉一樣。但係因為何西亞既愛而蒙愛,成為剩下既人。我地裡頭無能力愛人同憐恤人,但係主耶穌以如同何西亞一樣既愛接納我地,我地才可以成為神既子民,又成為剩下既人。我地因為呢顆愛而蒙愛得救,所以我地都以欠債者的心去到嗰啲如同所多瑪、蛾摩拉一樣的人嗰度服侍佢地。但係當我地依靠自己既行為而自義既話,就與耶穌衝突,亦都與人衝突。我地內心有埋怨不平,嗰個係因為我地信仰既基礎唔係信心,乃係靠著我既行為同自義。

 

我地係嗰位創造主、作窰匠既神面前,唔能夠主張任何自義。我地本身唔係神既子民、唔係蒙愛既,係離開了主既、好似所多瑪、蛾摩拉百姓咁樣唔能夠唔滅亡既,但係因耶穌何西亞咁樣既愛而被神悅納、成為剩下既人。祈求主幫助我地常常記得我地係邊個、唔追求律法既義,惟有因信迎接神既主權同佢既憐恤。祈求主幫助我地,帶著主權信仰,係任何時候都感謝神既憐恤,使我地成為蒙神愛既人、剩下既人、被主寶貴使用既器皿。