2014年　羅馬書　第10課                              7月13日(第Ⅰ部信息)　金佑鎮宣教士

經文 / 羅馬書 8:1-17
金句 / 羅馬書 8:11

住在你們心裏的聖靈

「然而叫耶穌從死裡復活者的靈若住在你們心裡，那叫基督耶穌從死裡復活的，也必藉著住在你們心裡的聖靈，使你們必死的身體又活過來。」

羅馬書8章稱為聖靈章，今日的經文8:1-17節裡面指著聖靈的說話出現13次。使徒保羅在羅馬書7章裡講述他因罪而矛盾及絕望，他深深承認自己心裡願意服侍　神的律，自己身體卻順服罪的律，承認自己不能夠不犯罪。咁樣結束羅馬書7章，似乎表示他是一個因罪而死左既人，但係咁樣既保羅係8章裡反覆見證因罪而必死的身體從罪裡得釋放、活過來。而且說咁樣的工作，發生係隨從聖靈的人身上。祈求　神祝福今日的經文，讓我們學習過屬靈上得勝生活的祕訣。嗰個祕訣係咩呢？

I.      我地要確信我地已經係被聖靈的律管治的世界裡面(1-4)

請一齊讀第1，2節：「如今，那些在基督耶穌裏的就不定罪了， 因為賜生命聖靈的律，在基督耶穌裏釋放了我，使我脫離罪和死的律了。」使徒保羅首先講及在基督裡面的信徒所擁有的特權。如果信徒唔知道所擁有的特權而過信仰生活，呢個是一件難過既事。有一個兒子賺左好多錢，為到住係鄉下的父母安排旅行，為佢地買左頭等機票。但是父母係飛機裡，雖然坐係頭等機艙，卻拒絕一切的飲食同服務，因為佢地以為一切的食物都要自己額外俾錢。然後食嗰啲自己所帶黎的餅乾。後來兒子知道左呢件事，心裡好難過。如果信徒唔知道自己所擁有既特權，就唔能夠享受呢啲特權，咁樣為左呢啲特權而付出昂貴代價的耶穌，心裡必定會好難過。咁在基督裡面既信徒有咩特權呢？首先，「那些在基督裡的就不定罪了。」信徒相信耶穌之後都有機會犯罪跌倒，但係唔會因此而受審判。呢個係因為基督已經係十字架既死受盡我地應受既審判。如果我地如今相信呢件事，就唔受　神既定罪，亦都唔受撒旦的控訴。過去人一犯罪，就被論斷、受定罪，被呢個定罪既律管治，因此一犯左罪，我地靈魂懼怕受律法既審判而隱藏罪，活係不安當中，生活裡無自由同喜樂。呢個係活喺罪同死亡既律之下既人既樣子。但係，賜生命、聖靈既律係基督耶穌裡，將我地從罪同死亡既律釋放左出黎，將我地搬入聖靈的律管治的世界裡面。罪同死亡既律好似天路歷程所出現既絕望巨人咁樣，當我地犯罪既時候就定我地既罪，使我地絕望和無力，叫我地更加犯罪，控訴我地直到我地自滅。但係耶穌裡面聖靈的律，即使我地軟弱犯罪，唔定我地既罪，因此我地唔隱藏罪、唔包裝自己。帶著依家既樣去到耶穌面前、承認我地既罪、得享自由。唔單止咁樣，當人地既罪被顯露，我地唔定佢既罪，反而憐憫佢、愛佢、為佢禱告，因為我地都係因耶穌不定罪既愛而得生。大家都活係唔受定罪既罪人所享受既喜樂同感謝裡面。

請睇第3，4節：「律法既因肉體軟弱，有所不能行的，　神就差遣自己的兒子，成為罪身的形狀，作了贖罪祭，在肉體中定了罪案； 使律法的義，成就在我們這不隨從肉體，只隨從聖靈的人身上。」因我地肉體軟弱而唔能遵守律法，律法既教訓幫唔到我地，但係當我地軟弱既時候，　神點樣做呢？我地軟弱犯罪既時候，　神唔定我地既罪，甚至尋找幫我地的路。　神開了路，差派祂的兒子，係十字架上受律法的定罪，使我地從定罪裡得釋放，然後將聖靈賜俾嗰啲相信的人，因此當我地隨從聖靈而行的時候，連律法的義都可以成就。當我地見到軟弱反覆犯罪的人，容易講出論斷同定罪的說話來教訓他、幫他，但係論斷同定罪既說話改善唔到人。　神見到我地還軟弱的時候、還作罪人的時候，代替我們因軟弱而黎既痛苦，幫我地領受聖靈、使律法的義成就在我們身上。

咁我地點能夠隨從聖靈而行呢？首先要確信我地已經脫離被罪管治的世界，只係被聖靈的律管治的世界裡面。耶穌代替我地受律法既定罪，使我地脫離律法，活係聖靈管治既世界裡。我地信仰生活裡最重要既，唔好隨自己既心思定律法既標準，論斷別人、定別人既罪，乃要承認唔單止自己、連別人都係在基督裡唔受定罪，一切既判斷都交俾聖靈。我地既內心被滿有愛、憐恤既聖靈引導之下，嗰陣時，我地教會既聚會好似裝新酒既新皮袋咁樣，常常都有新穌、有彈性、滿有喜樂。

II.      隨從聖靈的人(5-9)

我地點能夠隨從聖靈過生活呢？請睇第5節：「因為隨從肉體的人體貼肉體的事，隨從聖靈的人體貼聖靈的事」隨從肉體既人指住隨住肉體罪惡本性過生活的人。體貼肉體的事指住隨從自己心裡自然發動既本性、思想肉體既事。肉體既事指住咩呢？加拉太書第5章19節裡，睇到肉體既事唔單止姦淫、污穢、醉酒咁樣隨肉身既情慾過生活，仲有仇恨、爭競、忌恨、惱怒、嫉妒。咁聖靈既事指住咩呢？聖靈所結既果子就係仁愛、喜樂、和平、忍耐、恩慈、良善、信實、溫柔、節制，咁我地點能夠唔隨從罪惡既本性、只隨從聖靈而行呢？作者第一個提及的，我地為左隨從聖靈而行最重要既係唔好體貼肉體既事、要體貼聖靈既事。我地好介意自己著咩衫，因為人地睇到，但係我地好容易隨住罪惡既本性，亂咁諗野，因為人地睇唔到我地諗啲咩野。我地為要隨從聖靈而行，最重要係我地要思想聖靈既事。我地每日都面對著各樣既事，使我地選擇思想肉體既事定係屬靈既事。我地依家住係　神所定的家庭、在　神所定的公司裡做野、係　神所定既團契同教會裡面侍奉　神，但係我地卻思想如果搵到更高收入既工作，解決物質問題有餘，我先可以更用心服侍福音工作。或者思想如果嗰個藐視我既人消失，只係有願意同我同工既人一齊，咁先可以更加好咁服侍　神，然後埋怨我周圍既環境同身邊既人，呢個係死亡既思想。凡遇見耶穌既人，第一個特點係識得感謝，對　神將白白救恩賜俾我呢個無資格既罪人而滿有感謝。亦都識得為自己所處既環境同身邊所有既人而感謝。擁有咁樣既內心，就係體貼聖靈既事。　神帶領以色列百姓出埃及，引導他們往曠野既時候，以色列因為係曠野唔夠水飲、失去食肉既樂趣而埋怨　神同摩西。因此，佢地唔能夠進入應許之地迦南地，死係曠野裡。只係佢地既後裔先可以入到應許之地。約瑟雖然為哥哥們獻上自己、卻被哥哥們出賣，約瑟雖然向波提乏將軍忠誠、為佢獻上自己、服侍佢，卻被波提乏將軍拉去坐監，約瑟雖然願意做酒政既牧者、服侍佢，酒政卻忘恩負義。但約瑟見證話呢一切都係　神所做既，佢唔埋怨同憎恨人。係自己所處既環境裡服侍　　神所交託俾佢既人。　神同約瑟同在，使佢滿有　神的靈，約瑟就能解釋到法老既夢，樹立左良好既經濟政策，成為埃及既宰相。究竟我依家諗緊肉體既事定係屬靈既事呢？我地睇我地內心既果子就可以知道。請睇第6節：「體貼肉體的，就是死；體貼聖靈的，乃是生命、平安。」嗰啲體貼聖靈既事既人裡頭有生命平安，即使我思想既都全部正確，但裡面充滿論斷憎恨同爭競，忿怒、嫉妒同埋怨，咁就係諗緊肉體既事，內心所結既果子就係死亡。請睇第7，8節：「原來體貼肉體的，就是與　神為仇，因為不服　神的律法，也是不能服； 而且屬肉體的人不能得　神的喜歡。」我地體貼肉體既事，就與　　神為仇，人已經墮落左，似乎我諗既係好高尚，卻唔能夠唔成為與　神為仇。世上既人本主義、宗教、哲學，雖然睇黎高尚，卻好巧妙咁干擾　神既工作，呢個世上絕對唔會恭敬　　神，只係與　神為仇。唔單止唔肯服　神既律法，亦係唔能夠屈服。我地即使按照自己所諗係啱既、隨自己的意思做到最好，卻與人衝突，內心受傷、或係傷害別人，被憎恨既勢力折磨，自己都想死去，活係死亡之下。但當我地放低執著、驅走一切負面既思想，求　神既旨意、要順從既時候，開始諗聖靈既事，內心得著平安，惟有　　神既靈住係我地心裡，我地先能夠體貼聖靈既事，內心滿有平安。

請睇第9節：「如果　神的靈住在你們心裏，你們就不屬肉體，乃屬聖靈了，人若沒有基督的靈，就不是屬基督的。」耶穌第一次黎呢個世上既時候，以肉身與門徒同在。耶穌復活之後，以　神的靈同佢地同在，耶穌應承與我地同在，直到世界既末日。耶穌再臨既時候，以擁有住靈同肉身、完美既樣子黎。嗰啲心裡有　神既靈、基督既靈既人，就係屬基督既人，係個真正既基督徒。假如我地以犯罪黎得到滿足、得到幸福，就要靠著罪的欲望行事。假如我地靠著律法得生命，咁樣要靠著律法行事。但係如果我地靠著聖靈重生、得著新既生命，咁我地要靠著聖靈行事。加拉太書5:25說：「我們若是靠聖靈得生，就當靠著聖靈行事。」祈求　神施恩俾我地，我地每日所遇見既事上，體貼聖靈既事，成為隨從聖靈既人，要靠着聖靈行事。

III，      叫我地從死裡復活的靈(10-13)

信徒相信耶穌從死裡復活，如果我地相信呢件事，咁應該亦都相信我地都要從死裡復活。耶穌同我地點能夠從死裡復活呢？保羅講及呢個係聖靈既工作。聖靈係叫我地從死裡活過黎既靈。請睇第10，11節：「基督若在你們心裏，身體就因罪而死，心靈卻因義而活， 然而，叫耶穌從死裏復活者的靈，若住在你們心裏，那叫基督耶穌從死裏復活的，也必藉著住在你們心裏的聖靈，使你們必死的身體又活過來。」我地穿著住因罪而死既身體，呢個係因為我地裡頭有惡靈，使我地裡頭既罪發動，使我地死，我地靠著自己既意志同埋能力唔能夠趕走呢個惡靈。惟有基督係我地裡頭既時候，先至能夠驅走。喺一個傳福音單張裡面，睇到一個傳教士幫一個姓「柏」既弟兄既故事。嗰個傳教士幫助嗰個弟兄當中，發現個弟兄裡面有七個動物既形像，我想借呢個故事既內容黎解釋呢段經文。第一個係青蛙既形像，係一個不斷說話既靈。啟示錄16:13：「我又看見三個污穢的靈，好像青蛙，從龍口、獸口，並假先知的口中出來。」嗰個弟兄唔能夠節制自己講說話，不斷講出好似假先知既說話，叫聽既人失去屬靈既力量。第二個係孔雀既形像，係個驕傲既靈。孔雀展開它的翅膀，自誇佢既美麗，同樣擁有驕傲既靈既人要俾人睇到自己既美麗同良善、多知識、同埋幾咁屬靈。第三是蛇的形像，是個狡猾的靈。他多有智慧同聰明、說話有才能，容易欺騙人，即使他做錯，受到別人的指責，佢都藉著完美既藉口，使到做錯既唔係佢，乃係對方。被呢個靈抓住既人容易背叛人、自己亦容易被人誘惑。係強者面前變到軟弱、係弱者面前變得殘忍。第四個係山羊羔既形像，係個淫亂既靈。山羊象徵性方面污穢，充滿情慾思想。第五係老虎既形像，係血氣既靈，如果人容易發嬲，被憤怒血氣的靈抓住，性格有老虎既野性，別人就難以走近佢。第五係豬既形像，係貪慾既靈。被呢個靈抓住，即使呢個人擁有幾多，都唔願意將自己既野施俾人，只想得著更多。第七個係烏龜既形像，係懶惰既靈，佢常常懶惰，常常將現在要做既事推遲、厭棄作工。呢七種惡都喺人心裡面，係污鬼既靈。以色列百姓同迦南地既七族展開爭戰，征服嗰達地。同樣，我地信徒都係同裡頭既七個惡靈爭戰。以色列百姓雖然戰爭上得勝，但係唔完全毀滅迦南民族，漸漸同佢地既文化同化左。同樣，信徒唔完全趕走呢七個靈，會漸漸被同化，甚至唔再因罪而感到痛苦，呢個係因為惡已經成為左我地既一部分。呢啲惡成為我地既氣質、甚至成為我地既歡樂。惡帶俾人歡樂，人講大話、貪心、淫亂、憤怒之中，有歡樂。呢種歡樂係從地獄而黎既。我地愈享受從地獄而黎既歡樂，我地漸漸成為同地獄愈走近既人。我地點能夠從呢七個野獸既靈裏得脫離呢？基督係佢裏頭的時候先至除掉我們裏頭七個動物的形像，心裏中間睇到耶穌如同光，耶穌以　神的靈係我們裏頭同我們同在，　神的靈居係我們裏頭的時候，因七個野獸的靈而死左的我們活過來，開始感受到因罪而來的痛苦，死人感受唔到的痛苦，但係當　神的靈住係我們裏頭的時候開始，感到因罪而來的痛苦，一講大話內心就感到痛苦，因此即使會有損失都逃避講大話，睇到自己心裏想講出自誇自己的說話，要得人承認的心思感到痛苦，對淫亂的笑話感到唔舒服，內心發現埋怨、論斷、批評別人的時候感到窒息，　神的靈住係我們裏頭的時候，因動物的靈而死左的我們活過來，趕走動物的靈，對罪感到痛苦，漸漸追求從天國而來的喜樂，從地獄而來歡樂的門關左開始，天國的門開左，將天國的喜樂流入我們裏頭，七個野獸的靈因住係我們裏頭的聖靈而趕走的事，唔能靠着一時的得勝而成就，聖靈持續住係我們心裏頭的時候，我們心靈深處，真正討厭罪，厭惡惡，會做成新的品性，唔再追求從地獄而來的歡樂，靠着從天國而來的歡樂活着，因此要高舉自己的果一刻，感覺從天國而來的力量斷絕，成身感到無力，對罪感到痛苦，就成為防守的防衛牆使住係我們裏頭的聖靈唔離開，因罪而失去左既生命，通過住係我地裡頭既聖靈重新揾返黎。請再讀多一次10，11節：「基督若在你們心裏，身體就因罪而死，心靈卻因義而活， 然而，叫耶穌從死裏復活者的靈，若住在你們心裏，那叫基督耶穌從死裏復活的，也必藉著住在你們心裏的聖靈，使你們必死的身體又活過來。」保羅係呢兩句說話裡面，從死裡活過來既說話重覆四次，係７章裡面因罪而歎息既保羅似乎成為左死人，但是叫耶穌從死裡復活的聖靈叫保羅都從因罪而死既生命活過來，而且通過佢孕育好多生命，生無數既屬靈後裔，如天上既星咁多。我地每個人都因自己解決不到既罪而如同死人一般，有啲人因所受既傷痕太大，而死人一般，對重覆犯既罪沒有任何感覺而成為屬靈既痳瘋病人，睇到自己咁既樣，似乎已經死左，無盼望從死裡活過來。但叫耶穌從死裡活過黎既靈如今同樣叫我地從死裡活過黎。只要我地承認因罪而死左，黎到主面前，求主悅納我現在既樣而禱告，　神就以基督既靈裝滿我地，使我地活過來，甚至使我地必死既身體又活過黎。必死既身體活過黎意味著我地擁有住美麗既品性。我地好努力作出掙扎、盡量顯得自己是一個好好既人，絕對唔能夠得到人既好感。特別善待某啲人，卻得唔到佢既愛，即使攻克己身，要做成一個完美既品性，卻得唔到人既尊敬。婚姻生活都唔能夠藉著顯露我完美既樣而得幸福。反而承認自己是一個無愛心既罪人，聖靈幫助我地克服軟弱，叫我地必死既身體都活過來，幫助我地與人建立愛既關係。當我地承認我既軟弱，不斷放低自己既情感、意思，真誠對待人既時候，住係我裡頭基督既靈使我地成為一個得到人承認既人。惟有基督既靈先使我從死裡活過黎，連必死既身體都可以活過黎，祈求　神幫助我地以祢既靈趕走我地裏頭發動罪既惡靈，叫我地從死裡復活。祈求　神幫助我地唔好順著肉體活著，靠著聖靈治死身體既惡行，養成復活既品性過生活。祈求　神，把叫我們從死裡復活既靈常常住係我地裡頭。

IV，      兒子的心(14-17)

兒子的心同奴僕的心有咩唔同呢?請睇第14，15節「因為凡被　神的靈引導的，都是　神的兒子。 你們所受的，不是奴僕的心，仍舊害怕，所受的乃是兒子的心，因此我們呼叫：「阿爸！父！」」凡被律法引導的成為律法的奴僕，凡被　神的靈引導的都係　神的兒子，兒子的心感到同　神親密的關係中呼叫阿爸父啊，阿爸係最親密叫父親的阿蘭語，奴僕的心因為懼怕受懲罰而勉強服侍主人，我們係　神的兒子定律法的奴僕呢？邊個見證呢件事呢？邊個使我們知道我們係邊個呢？請睇第16節「聖靈與我們的心同證，我們是　神的兒女」聖靈係我們心裏見證，我們不是律法的奴僕乃是　神的兒女，我們帶着咩心侍奉　神係一件好重要的事，如果我們被　神的靈引導帶着兒子的心服侍　神，為到叫阿爸喜悅自願服侍佢，追求有創意的野，唔怕做錯，勇敢同埋主動服侍呢樣果樣，如果被恐懼的靈引導，服侍　神如同服侍嚴厲的主人，因為懼怕受責備而勉強服侍，無創意唔主動，唔做錯而唔受懲罰已經滿足，上個星期世界盃裏巴西輸比德國1比7，巴西輸波有各樣的原因，最大的原因係巴西選手可能受國民太大的期望，受難以講出的壓力，係失守的懼怕裏用安全的踢法，因此巴西總體內容係好單調的，選手身體硬掘掘，德國的教練自評為他們的選手顯於好勇敢，我們被恐懼的靈引導以奴僕的心唔能夠侍奉　神對兒子父親唔係恐懼的對像，乃是從一切的恐懼裏保護的，兒子知道父親的一切都將會屬於自己，無論自己做得好唔好都會承受父親的一切，所以佢唔懼怕做得唔好，只不過為討父親喜悅，希望做得好，請睇第17節「既是兒女，便是後嗣，就是　神的後嗣，和基督同作後嗣。如果我們和他一同受苦，也必和他一同得榮耀。」奴僕都受苦難，兒子都受苦難，但係奴僕知道即使自己受幾多的苦難，佢將會咩都得唔到，所以要受最少的苦難，但係兒子心裏有將要所承受的榮耀，為到被塑造為配受得榮耀的樣子，主動受苦難，大企業集團的總裁都叫自己的兒子做基層員工的工作，受各樣的訓練，目的唔係兒子做生意做得好，後來將更大的財產還番比佢，乃是愛兒子盼望兒子健康地成長，　神為到祂兒女屬靈的成長，叫兒女受各樣的苦難。盼望栽培兒女成為愛十字架的。我地鍾意「八」呢個字，因為希望物質上發達，但係將「八」字既兩劃改少少，變為「十」字，成為十字架，當我地愛十字架，願意同基督同受苦難，就會與基督一同得榮耀。同基督同受既苦難指住為到拯救靈魂而所受既苦難。愛　神、愛鄰舍、服侍好多靈魂上必帶黎好多的苦難。每個人都有想逃避既苦難同埋想逃避既人，但呢一切就係叫我地承受天上基業既繼承人訓練。知道呢件事既時候，我地受苦難中，感受到　　神向我既愛同埋盼望。係十字架既苦難中感受到　　神既愛同盼望，嗰個就係兒子既心。求　神賜下我地兒子既心。

我地通過今日既經文，學習到我地已經脫離左被律法管治既世界裡，進入被聖靈既律管治既世界裡面。被聖靈既律管治既世界裡並無定罪，我地凡事都體貼聖靈既事，成為隨從聖靈既人。惟有隨從聖靈先能夠討　神既喜悅。我地內心結出生命同平安既果子，叫耶穌從死裡復活既聖靈同樣叫我地因罪而死左既人，從死裡活過黎，使我地成為　神既兒女、被　神既靈引導。求主幫助我地，以兒子既心叫　神「阿爸父」，係十字架既苦難中感到　神既愛同盼望，在心裏帶住將來既榮耀，甘心承受苦難，成為　神國的繼承者。。